पुणे : रशियातील कझान शहरात झालेल्या ४५ व्या वर्ल्ड स्किल स्पर्धेत ‘एमआयटी’च्या रोहन हनागी व ओंकार गुरव या विद्यार्थ्यांनी मोबाइल रोबोटिक्स विभागात मेडल ऑफ एक्सलन्स पटकावले.
भारत सरकारच्या कौशल विकास व प्रशिक्षण मंत्रालयातर्फे देशातील विविध शैक्षणिक संस्थांमधून ४८ विद्यार्थ्यांची निवड या स्पर्धेसाठी करण्यात आली होती. त्यात रोहन आणि ओंकार यांची मोबाइल रोबोटिक्स स्किलसाठी निवड करण्यात आली. दोघे आळंदी येथील एमआयटी महाविद्यालयात इलेक्ट्रॉनिक्स इंजिनीअरिंगला चौथ्या वर्षात शिकत आहेत. या यशाचे श्रेय त्यांनी आई-वडील व प्रशिक्षक प्रा. श्रीधर खांडेकर यांना दिले.
त्यांना संस्थेचे संचालक महेश गौंडर, डीन देबोशिष अधिकारी व प्रा. वैशाली वांगीकर यांचे मार्गदर्शन लाभले.
